En primeiro lugar, elaboramos diferentes probas baseadas en varios tipos de estímulos: imaxes, sons, cancións, textos e incluso olores. En cada unha destas probas presentarase aos participantes unha combinación de elementos: algúns de orixe natural ou creados por persoas e outros xerados por intelixencias artificiais. Os participantes deberán indicar cal cren que é a orixe de cada estímulo e explicar, se é posible, os criterios que empregaron para tomar a súa decisión. Co fin de garantir resultados máis fiables, as probas realizaranse con persoas de diferentes idades e perfís, intentando que o grupo de participantes sexa o máis variado posible. Ademais, os estímulos presentaranse en orde aleatoria para evitar que os participantes detecten patróns que poidan influír nas respostas.