Edición 2022

ediciones

Maio 11, 2022

Edición 2022

Logo de dous anos realizándose en formato online debido á pandemia, regresou de novo de xeito presencial (aínda que tamén se puido participar de maneira online). Esta 17a edición tivo lugar os días 11, 12 e 13 de maio, coa temática da “Economía Circular” como fío condutor, en consonancia cos Obxectivos de Desenvolvemento Sostible (ODS) que expón a Axenda 2030 de Nacións Unidas para protexer o planeta. Nesta liña, Tecnópole, a través de todas as súas actividades de divulgación científica, céntrase sobre todo na necesidade de actuar para empoderar as mulleres e as nenas e garantir unha educación de calidade.

Proxectos

90
Visitantes

3090

Vídeo resumo

Desfruta do vídeo da inauguración da edición 2020

Edición 2022

Máis de 90 proxectos presentados en total

Nesta edición participaron un total 90 proxectos procedentes de centros educativos de toda Galicia, ademais de Cataluña, Madrid e o País Vasco. De maneira presencial concorreron 50 proxectos de Secundaria, Bacharelato e FP -que foron os que competiron polo premio final- e 20 de Primaria; un total de 210 mozos e mozas de 37 centros educativos diferentes.

Por provincias, de Pontevedra houbo 12, da Coruña 10, de Ourense 8 e de Lugo 4; e, de fóra de Galicia, estiveron representadas (cun centro cada unha) Biscaia, Madrid e Barcelona.

De maneira online foron 17 proxectos de Secundaria, Bacharelato e FP e 3 de Educación Primaria, un total de 60 participantes de 8 centros educativos. Todos os equipos mostraron propostas innovadoras en ámbitos tan diversos como a agricultura, bioloxía, comunicación, economía circular, física, historia, medio ambiente, música, robótica, apps ou tecnoloxía. Con visitas organizadas asistiron á feira unhas 1600 persoas, tanto docentes como alumnado, de 40 centros de toda Galicia, dos cales o 46% eran mulleres. As diferentes actividades aglutinaron un total de 3090 participantes.