O noso traballo consiste en investigar se a cor de ollos dos individuos ou o xénero afecta ao desenvolvemento de enfermidades visuais (miopía, astigmatismo e hipermetropía). Para iso desenvolvemos unha enquisa para descubrir sobre alumnado do noso centro a súa cor de ollos e os seus problemas visuais. Pasámoslle a enquisa a todo o alumnado da ESO do noso centro, recollemos os datos e os pasamos por unha análise estatística para comprobar a relación entre os sucesos. Tamén aproveitamos a enquisa para ver se hai unha relación co xénero do individuo. De momento estamos na fase de análise de datos. A nosa hipótese é que si hai unha relación entre ambas porque na nosa clase a maioría das persoas con problemas visuais son de ollos claros e queriamos ver se isto se aplica a maior escala.