Galiciencia botaba a andar en 2006 como unha iniciativa pioneira en Galicia e agora é unha cita de referencia para a mocidade. Desde o Parque Tecnolóxico de Galicia – Tecnópole -sociedade participada pola Xunta de Galicia- traballamos para achegarvos a ciencia de xeito sinxelo e divertido, facéndoa accesible para todas e todos. Para iso contamos coa colaboración da Consellería de Economía e Industria e a Fundación Española para la Ciencia y la Tecnología – Ministerio de Ciencia e Innovación.

Ao longo destas dúas décadas pasaron pola feira máis de 48.000 visitantes, presentáronse máis de 1300 proxectos e en cada edición participan uns 40 centros educativos de toda Galicia e doutras comunidades.

Para unha Galiciencia tan singular eliximos como lema “Neurociencia e saúde mental”, un tema que cada vez nos afecta e preocupa máis a todos. No transcurso da feira púxose de relevo o valor da investigación neste campo e a importancia de coidar a nosa saúde mental.