Queres presentar un proxecto?

¿Tes unha idea innovadora ou un experimento que merece ser compartido co mundo? Galiciencia 2025 abre as súas portas para que estudantes de primaria, secundaria, bacharelato e formación profesional de toda España mostren a súa creatividade, investigación e paixón pola ciencia. Este ano, a temática xira en torno á Neurociencia e saúde mental, unha oportunidade para explorar como a ciencia pode impactar o benestar humano.

Cun formato híbrido, tes a opción de participar de forma presencial ou online. ¡Non importa onde esteas, o teu proxecto pode ser parte deste grande evento!

Se queredes presentar o voso proxecto na Galiciencia presencial ou online 2025 só tendes que facer un equipo do que formen parte dous alumnos/as como máximo e un docente e contarnos a vosa idea a través dun vídeo en formato horizontal de máximo 1 minuto de duración. O importante do vídeo non é tanto a calidade da imaxe como a defensa oral e a capacidade de síntese. Unha vez gravado o vídeo tendes que subilo a YouTube e enviarnos o enlace a través do formulario de inscrición. A inscrición, vídeo e pdf deberán de realizarse en galego ou castelán.