Concurso deseño da camiseta oficial de Galiciencia 2026

O certame organízase con motivo da celebración da Galiciencia 2026 utilizando a temática de referencia desta edición: Ciberseguridade, polo que, partindo dun enfoque conceptual libre e aberto, os deseños deben ter como punto de referencia calquera obxecto ou contorna relacionada coa temática en cuestión.

O concurso está aberto a todo o alumnado de primaria dos centros educativos de Galicia.

PREMIO

O/a autor/a do deseño ganador recibirá como premio: camisetas para toda a súa clase de primaria incluídas camisetas para dous docentes e dous familiares. Ademais estas camisetas serán distribuídas entre o persoal da organización de Galiciencia e os expositores de proxectos.