Concurso deseño da camiseta oficial de Galiciencia 2025
¿Gustaríache que a túa creatividade vista o evento científico máis importante de Galicia? Este ano, Galiciencia, a feira científica de referencia, invítate a participar no concurso de deseño da camiseta oficial, onde a protagonista será a temática desta edición: Neurociencia e saúde mental.
Este certame é unha oportunidade única para que o alumnado de primaria de Galicia exprese a súa imaxinación e talento artístico, deixando a súa pegada nun evento que reúne á comunidade científica e educativa de toda España. ¡Anímate a participar e comparte a túa visión co mundo!
PRESENTACIÓN DOS DESEÑOS
O prazo de presentación dos deseños é desde o 27 de xaneiro ata o 17 de marzo de 2025.
Todos os participantes que desexen tomar parte neste concurso deberán enviar un mail cos deseños escaneados ou ben presentar os orixinais na recepción do Parque Tecnolóxico de Galicia. En ambos casos, deberán incluír os seguintes datos:
-
- Título/s da/s obra/s presentada/s.
- Nome e apelidos do/a autor/a.
- Nome do centro educativo ao que pertencen.
- Teléfono de contacto, e-mail do docente/titor/a do/a alumno/a participante.
Enviaranse por correo ao seguinte enderezo galiciencia@tecnopole.gal
Poderán ser presentados os orixinais na recepción do Parque Tecnolóxico de Galicia. En persoa ou por correo postal: Parque Tecnolóxico de Galicia. San Cibrao das Viñas, 32900 Ourense. Asunto: Concurso de debuxo da Galiciencia 2025.
