A experiencia que se ten no instituto di que aínda hoxe hai moito descoñecemento sobre a epilepsia na comunidade educativa. Este descoñecemento parte, moi probablemente, da existencia de ideas preconcebidas e desactualizadas que imperan na sociedade, é dicir, da falta de información. Para o traballo pártese da suposición de que a maior parte do alumnado de secundaria non ten coñecementos básicos sobre a epilepsia, as súas consecuencias e as pautas recomendadas de actuación, aínda que si teñen algunhas ideas preconcebidas.

O volume de datos recollidos ata este momento non é suficiente como para obter resultados signiticativos que permitan establecer conclusións. Ademais, estes datos serán actualizados coas persoas participantes na propia feira Galiciencia 2025. Aínda que estas conclusións nos permitirán contrastar a hipótese na que se basea este proxecto, o máis importante para nós é que este proxecto permita a estudantes de centros de toda Galicia ampliar, con rigor, o seu coñecemento sobre a epilepsia, coa perspectiva de mellorar a calidade de vida das persoas que teñen este diagnóstico.

Curso: 4º ESO

Provincia: Pontevedra

Poboación: Vigo

Sophia Valentina Sarabia Tovar
Carmen Rodríguez Gil

Rosalía Rodríguez Couceiro

IES Álvaro Cunqueiro