Crear un sistema tecnolóxico e automatizado, que avisará de maneira individual ao pasaxeiro do transporte público, neste caso un autobús, se incumpre a norma do correcto uso do cinto de seguridade, para conseguir reducir o número de vítimas e concienciar a sociedade sobre a necesidade de empregar o cinto de seguridade, emitindo unha mensaxe reconfortante de agradecemento ao pasaxeiro que actúe correctamente.

O núcleo do funcionamento da maqueta son os catro botóns. Dous deles, un por cada placa Arduino, teñen a función de simular a placa de presión que detecta cando o pasaxeiro senta, e os outros dous encárganse de detectar cando o cinto é colocado. No primeiro caso, cando o pasaxeiro non pon o cinto, un sinal chega ao Arduino que acende o LED vermello, activa no LCD do pasaxeiro a mensaxe: "Abróchese", á vez que activa a mensaxe do altofalante e por último acciona o LCD do condutor avisándoo mediante a mensaxe “Sen cinto 1”, se ben o número debe variar en función de cantos pasaxeiros non teñan o cinto posto. Pola contra, no segundo caso no que pon o cinto, só se acende o LCD do pasaxeiro indicándolle cal é a seguinte parada, e no LCD do condutor cambia o número de pasaxeiros sen cinto a 0.

Curso: 3º ESO

Provincia: A Coruña

Poboación: Santiago de Compostela

Roi Blanco Villaverde
Elena Carro Prado

Tino Álvarez Muiña

IES Plurilingüe Rosalía de Castro