O aumento de vagas de calor intensas, xunto con periodos de seca prolongados e bosques densos de eucaliptos e piñeiros, poden provocar lumes moi potentes e intensos. Esto incluso pode derivar en tormentas de lume que son equiparables a unha erupción volcánica moderada. Na Península Ibérica e en Galicia debemos adaptarnos ante escenarios de incendios máis frecuentes e intensos. A medida que teñamos veráns máis longos e máis secos, aumentarán as probabilidades dos lumes. Hoxe en día, xa hai científicos que aseguran que certas paisaxes van arder, máis tarde ou máis cedo. Continuar realizando plantacións de piñeiro e eucalipto son riscos que non se deberían consentir pola nosa supervivencia. É necesaria unha mellor xestión dos nosos montes.