O proxecto CyberCaesar nace da necesidade de privacidade absoluta en tempos nos que predomina a presenza dixital. CyberCaesar brinda seguridade grazas á combinación de múltiples formas de cifrado, como operacións XOR ou funcións hash SHA-256. Ademais, a aplicación incorpora unha interface gráfica intuitiva e sinxela, que a fai fácil de manexar para calquera persoa, facendo que este proxecto traia seguridade a todos os usuarios que precisen cifrar calquera tipo de arquivos, xa sexa PDF, MOV ou STL. Calquera arquivo está a salvo con CyberCaesar.

As probas realizadas con 30 arquivos de diferentes formatos (PDF, MOV, STL, TXT) e tamaños (desde 1 KB ata 500 MB) amosaron os seguintes resultados: - Taxa de éxito do 100% na desencriptación cando se utilizou o código correcto. Con códigos incorrectos, o sistema rexeitou a desencriptación en todos os casos, confirmando a robustez da autenticación. - O tempo de cifrado foi lineal respecto ao tamaño do arquivo, acadando unha media de 12 MB/s en arquivos de gran tamaño. - O tamaño dos arquivos cifrados aumentou nunha media do 5,2% debido á información adicional (salt, nonce, tag e metadatos). - O uso de threading permitiu que a interface permanecese responsive durante todo o proceso, sen bloqueos.

Curso: 3º ESO

Provincia: Pontevedra

Población: Vigo

Nicolás García Ausín
Xián Couto Viqueira

Cándido Paniagua Pousa

IES Castelao