Neste estudo tivéronse en conta varias hipóteses que se quixeron verificar: a) Se a etiquetaxe dos bricks se corresponde coa realidade das características físico-químicas do leite que conteñen. b) Se resulta económico facer iogures artesanais e se a súa calidade é comparable aos comerciais. c) Se se distingue o tipo de leite que se emprega (enteiro, semidesnatado ou desnatado) na fabricación do iogur. d) Se o iogur feito nas mesmas condicións permite distinguir distintas marcas de leite.

En primeiro lugar compróbase que as etiquetas dos envases do leite indican correctamente as características do seu contido. O estudo centrouse en 6 marcas pero poderíase estender a moitas máis. En segundo lugar chegouse á conclusión de que facer artesanalmente o iogur é sinónimo de aforro (50%), importe de 10 céntimos, aproximadamente. En terceiro lugar, os iogures de maior calidade saen con leite de boa calidade, sen desnatar. Cos leites de baixa calidade os iogures perden sabor, a súa consistencia é máis fluída e resultan menos cremosos e apetecibles. En cuarto lugar, dicir que si é posible distinguir marcas e calidades de leite mediante o estudo das características do iogur.

Curso: 

Provincia: Lugo

Poboación: Lugo

María Pérez Trebolle
Helena Álvarez Rivas

Miguel Leiva Torrreiro

CPR Colexio Diocesano San Lorenzo