A realización de probas mentais (tests de memoria a curto prazo, concentración, atención e observación) en condicións de silencio favorecerá a obtención de mellores puntuacións en comparación coas obtidas mentres se escoita música. Ademais, espérase que os peores resultados se rexistren nas probas realizadas escoitando música actual con letra (do gusto dos voluntarios) debido á maior interferencia co correcto funcionamento do cerebro.

O estudo inicial suxire que o silencio é máis beneficioso para a realización de tarefas que requiren concentración. Os participantes lograron memorizar un maior número de figuras cando realizaron a tarefa en silencio, en comparación cos obtidos con música clásica e con música con letra. Ademais, no test de atención, o tempo medio necesario para localizar un obxecto foi menor en silencio en comparación co tempo que se tardou con música clásica e con música con letra. Os resultados presentan moita desviación pola pequena poboación medida. Aplicarase a metodoloxía optimizada a un nº de voluntarios maior (uns 120 estudantes da ESO) nas próximas semanas. Isto permitirá unha análise máis precisa do impacto da música e o silencio na atención e a memorización.

Curso: 3º ESO

Provincia: A Coruña

Población: Porto do Son

Elba Pouso del Río
Laura Segade Armental

Mª Luisa Rodríguez Sánchez

IES Porto do Son