A madeira é o tecido vascular das plantas, formado por células vexetais cuxas paredes están formadas por celulosa e lignina. Estas células disponse coma un feixe de tubiños por onde circula o zume bruto e o zume elaborado. Cando a árbore se tala e a auga se evapora, os tubiños quedan ocos e con aire. A lignina é o “pegamento” que mantén unidos os tubiños, e é de cor amarela, a que lle dá a cor característica á madeira. Se a lignina se blanquea ou elimina, queda un esqueleto de células ocas. Este segue sendo opaco porque as paredes celulares curvan a luz, o que se chama índice de refracción. Ao encher os espazos de aire con resina epoxi, que dobra a luz nun grao similar ás paredes celulares, a madeira faise transparente, pero sen perder as súas propiedades de resistencia.