O principal obxectivo deste traballo é unir nun proxecto os eidos da física, a tecnoloxía, a música e o medio ambiente, para o que se fan diferentes actividades prácticas. Recupéranse altavoces de obxectos de refugallo, co que se promove o ODS12 "Produción e consumo responsables". Fanse diversos experimentos para aprender que é o son e como se propaga. Analízase o son cun software especializado para ver as ondas sonoras. Usando o microcontrolador Arduino e os altavoces reciclados apréndese a crear sons, reprodúcese a música dos primeiros videoxogos e créanse instrumentos electrónicos. Analízanse algunhas aplicacións tecnolóxicas do son, como o sónar. Para concienciarnos da importancia do problema de saúde pública que pode constituír o ruído excesivo constrúese un sonómetro.