Partiuse da suposición de saída que o eucalipto ía absorber máis auga que o carballo por dous motivos: 1.- Porque é de folla perenne e, polo tanto, realiza un metabolismo celular máis ou menos intenso durante todo o ano. 2.- Porque ten un metabolismo máis rápido que o carballo (medra moito máis rápido e necesita máis recursos para isto). Tamén se quixo certificar que a auga que absorbe unha árbore é proporcional á superficie foliar, tendo en conta que cada árbore terá un coeficiente de proporcionalidade singular.

Adiántase que os resultados obtidos no tempo que se leva investigando son parciais, xa que este estudo precisa de moitos meses (tal vez anos) de análise continuada e sistemática. En primeiro lugar, descubriuse que transplantar unha árbore madura é complicado porque sofre un estrés moito maior ca unha árbore nova. Ao sacala do emprazamento orixinal, inevitablemente secciónanse moitas raíces que frean a súa función biolóxica de extraer nutrientes e humidade do solo. Isto leva a afirmar que as medicións son inferiores ao que sucede na realidade. Por outra banda, obsérvase que o consumo de auga cambia -fundamentalmente- segundo tres parámetros: a temperatura diaria, a superficie foliar da planta e a circulación do aire circundante: Entre 100 e 400 L por kg de árbore ao ano.

Curso: 3º ESO

Provincia: Lugo

Población: Lugo

Paula Uz Lorenzo
Iria Fórneas Fernández

Miguel Leiva Torreiro

Colexio Diocesano San Lorenzo