O desenvolvemento deste proxecto axudará aos estudantes a construír o seu coñecemento científico, abordando un tema de actualidade como é o emprego de terapias alternativas para o tratamento de doenzas. Para iso levarase a cabo un: - Estudo da toxicidade aguda do Cannabidiol: experimento de toxicidade aguda para atopar a dose terapéutica do CBD (estudos de toxicidade embrionaria en peixe cebra baseados no Fish Embryo Test da OCDE (FET). - Estudo da efectividade do Cannabidiol: trátase de comprobar se o CBD á dose terapéutica investigada, ten efecto sobre as crises epilépticas. Tómanse datos do número de crises epilépticas das larvas tratadas con este composto, en relación con controis sen tratar.

Tras a implementación deste proxecto, os resultados previstos son: - Deseño dun ensaio preclínico que permita analizar a eficacia do cannabidiol no tratamento das crises epilépticas. - Deseño dun estudo da efectividade do cannabidiol nas crises epilépticas empregando o Pentylenetetrazol como proconvulsionante. - Análise da opinión dos estudantes sobre a eficacia do cannabidiol como tratamento das crises epilépticas comparándoa coa efectividade dun fármaco químico e produto homeopático empregado nun proxecto anterior. Ademais, preténdese conseguir unha mellora das prácticas pedagóxicas tradicionais pasando a unha aprendizaxe activa e significativa, na que o alumnado é o protagonista da investigación.

Curso: 

Provincia: Lugo

Población: Lugo

Anny Cabrera Darias
Juan López Arias

Sabela Fernández Vila

CIFP Politécnico de Lugo