Conseguiremos “vestir” as nosas bacterias co xene GFP para que destaquen ao iluminalas con luz ultravioleta nun medio LB con ampicilina e arabinosa?
Ao iluminar as placas sementadas con luz ultravioleta obsérvase que se cumpre a hipótese formulada, e que aquelas bacterias postas en contato co plásmido e sementadas en medio con ampicilina e arabinosa presentaban fluorescencia.
A partir dos resultados comprobouse que é posible a realización de prácticas aparentemente complexas, como son as relacionadas co campo da biotecnoloxía, nun laboratorio escolar.
Unha actividade sinxela que se ten previsto realizar é aproveitar as bacterias xa transformadas para, cun pincel, crear imaxes divertidas sobre un medio de cultivo.