O resultado deste proxecto será unha pequena mostra de reloxos, cadernos e chaveiros construídos con diferentes compoñentes informáticos que xa chegaron ao final da súa vida útil e tiñan coma destino o punto limpo. A obtención destes novos produtos leva consigo un gasto mínimo e contribuirá a mermar o lixo informático do noso IES, así coma a axudar no seu control dos gastos. Con este proxecto traballaremos a creatividade do alumnado e o gusto polo traballo ben feito, para fomentar o espírito emprendedor e facer ver a importancia do traballo en equipo, da toma de decisións e do compromiso laboral. Este proxecto tamén terá coma resultado un maior acercamento das novas tecnoloxías ao máis novos, a través de produtos que sendo de uso moi cotiá aparecen nun novo formato de presentación.

O alumnado: • Adquire habilidades para emprender unha actividade económica, valorando a importancia do traballo en equipo levado a cabo baixo un clima de respecto, tolerancia e responsabilidade. • Toma conciencia da importancia de reducir o lixo informático contribuíndo á conservación do medio. • Aprende novos tratamentos para a fabricación doutros produtos con materiais xa existentes na súa contorna. • Dáse conta da necesidade do aforro económico grazas á reutilización/reciclaxe • Valora a importancia da innovación tecnolóxica para mellorar a saúde e manter o benestar. En resumo, o lixo informático pode axudar ao medio, contribuír na formación profesional e persoal do alumnado, mermar o gasto e fomentar a vocación tecnolóxica entre o alumnado.

Curso: Formación Profesional

Provincia: A Coruña

Poboación: Negreira

Mynor Alexander Folgar Peláez
Jordan Garabal Fernández

Fina Paulos Lareo

IES Xulián Magariños