No noso centro levamos tempo usando a técnica de fototrampeo para facer unha análise cualitativa de especies na nosa contorna, pero nunca para calcular densidade de fauna. Pedimos axuda ao Instituto de Investigación de Recursos Cinegéticos (IREC) situado en Castela A Mancha, xa que na súa web encontramos información de traballos realizados con fototrampeo para este fin. Dende o 1º momento o Dr. José Antonio Blanco Aguiar prestounos axuda para poder levar a cabo este proxecto. Tanto é así que nos enviou 2 cámaras de fototrampeo para poder realizar o traballo. O Courel, ademais de ser un atractivo turístico para sendeiristas, tamén é un lugar de encontro para cazadores que veñen doutras zonas de Galicia e de fóra da nosa comunidade autónoma.